Ray DeMonia nuk po kërkonte trajtim për COVID-19, por kishte probleme me zemër, kur mbërriti në një spital në Alabama. Por 73-vjeçari u bë viktimë indirekte e pacientëve me COVID-19 që kishin mbushur spitalet dhe shtretërit e Njësisë së Kujdesit Intensiv.
Pacienti nga Cullman, Alabama, vdiq në një spital të Mississippi, sepse nuk kishte shtretër klinikë të Njësisë së Kujdesit Intensiv aty pranë, tha vajza e tij Raven DeMonia për The Washington Post.
Në nekrologjinë e DeMonia, familja bëri apel që të gjithë të vaksinoheshin për të parandaluar që të tjerëve tu mohohej kujdesi për shkak të mungesës së vendeve të lira, raporton CNN, transmeton Klankosova.tv.
“Për shkak të COVID 19, stafi i urgjencës i CRMC kontaktoi 43 spitale në 3 shtete në kërkim të një shtrati të Njësisë së Kujdesit Intensiv Kardiak dhe më në fund u vendos në një në Meridian, MS.”
Duke thënë se do të ruajë privatësinë, një zëdhënës i Qendrës Mjekësore Rajonale Cullman nuk dha detaje për rastin e De DeMonia, por konfirmoi se DeMonia ishte “një pacient në kujdesin dhe u transferua në një institucion tjetër”.
